Na prome lugar nos kier splica bo, cu bo anhelo ta nifica locual mas bo ta desea, of locual mas bo kier, pero semper mester tin un balansa, y den cual direccion bo ta bay.
Por ehempel pa nos hobennan; Ora bo ta anhela na algo of na un persona, tuma tempo wak bon si e persona tambe ta interesa den bo, mescos cu abo ta interesa den dje.
Mester tene cuenta pa bo no bira un obheto sexual, of un cos di pasa tempo, pero bo mester balora bo mes y no entrega bo mes na un persona cu no ta balora bo, ni sikiera ta anhela di por ta hunto cu bo.
Mas cu tur cos bo anhelo mester ta den boluntad di Dios, y tene cuenta cu lo siguiente:
Un mucha muher/ mucha homber soltero no por ta anhela un persona casa, como amante, esey ta berguensa y pica.
Bo no por anhela di tin un yiu cu un persona, djis pasobra e persona ta conoci of artista y e persona no ta interesa di casa cu bo, esey ta problema y bobedad.
Como mucha homber bo no por anhela di tin relacion cu un mucha muher y sake na estado y despues bira lomba, pe esey ta bofon y maldad.
Bo no por desea di tin cantidad di placa, y bo no kier bay scol, ni pa bo caba scol y bay traha, e tipo di anhelo ey hopi biaha por hinca bo den mal caminda, y termina den prison.
Anhelo na cosnan cu no ta di bo, ta hacibo un persona envidioso, arogante, y cu mal actitud.
Dios ta duna oportunidad na tur hende pa bay dilanti, pero semper e mester cuadra cu e boluntad di Dios, pasobra Dios no ta kita nada for di hende y duna otro , si abo mete den bida di dos persona y separa nan for di otro, no ta cu yudansa di Dios, ta cu malisia, pasobra Dios ta un Dios di union, y no di separacion.
Desea hende malo e kere ta bay resulta abo bon, ta nifica cu bo anhelo, ta robez y for di boluntad di Dios, bo no por desea of haci pa un hende perde su posicion of trabao pa abo haña su puesto, tipo di cosnan asina ta perverso.
Proverbionan Capitulo 20 vers 16 ta bisa: Pan haña cu engaño ta dushi pa un hende, mas despues su boca lo ta yen di greis.
Esey ta nifica cu locual bo a kita di mal forma for di otro hende lo no resulta bo bon y lo causa bo caida.
E cos di mas importante cu nos tin di siña nos yuinan ta; Pa anhela e presencia di Dios den nan bida constantemente, haci oracion, ayuna y canta alabansa.
No desea ,ni codicia, cos di otro hende, pero spera riba Dios y deleita den Dios, y E lo duna bo e deseo di bo curazon.
Tin hopi hende bao di stress y depression pasobra nan tin un capricho, cu ta cos di otro hende ta bon pa nan, y nan wowo ta sera pa e bendicion cu Dios tin pa nan.
Proverbionan 20 vers 26 ta bisa: Esun cu coba un pos lo cay aden, y esun cu bolter un Piedra e Piedra lo bira bin bek riba dje.
Hubentud sabi esaki: No traha ningun trampa pa ningun hende, pa bo hanja locual cu nan tin pasobra lo bo no gosa di dje.
Sinceramente
Pastor Marcel Balootje.
