Scol Basico Dornasol ta un cluster 4 school (e unico na Aruba) cu a habri su portanan dia 4 di september 2017. Aki ta duna muchanan cu tin mester di enseñansa special nan oportunidad pa desaroya segun nan condicion. Ta duna guia na muchanan cu tin un of otro problema psikiatrico manera ADHD, autismo y hopi mas. Tambe problema cu conducta severo y problema social emocional ta haña su atencion.
Alumno cu drenta SBD ta alumno cu un inteligencia promedio te cu i teligencia halto. Actualmente SBD tin 45 alumno y ta consisti di 6 klas. (kleuter klas – klas 1 te cu 5). Klasnan na SBD no por consisti di mas cu 8 alumno.Pa e proximo aña escolar 2020-2021 lo bin acerca klas 6 y un kleuter llas mas. Asina Scol Basico Dornasol ta bira un scol basico completo.
(preparatorio y basico).E aña aki Aruba Black Tie Foundation a bolbe honra SBD cu e “Black Tie Dinner & Ball” cual ta crea oportunidad pa e scol por logra su meta cual ta un bus pa transporta nan muchanan. E bus aki lo sirbi pa transporta e alumnonan entre otro pa nan haya zwemles y tambe pa luganan na Aruba cu lo trece contexto di e lesnan cu ta ser brinda.Aruba Black Tie Foundation ta sostene Scol Basico Dornasol den e meta aki recaudando fondo pa medio di “Black Tie Dinner & Ball”. “Black Tie Dinner & Ball” ta tuma luga diasabra 12 di September 2020 na Renaissance Convention Center di 7.00 pm pa 3.00 am. Entrada ta AFL. 175,- pa persona. E ta inclui Gala Dinner Buffet y un fiesta bailabel cu 3 banda y un DJ.
Banda invita e aña aki ta X-static Band cu lo brinda animacion formando linea cu Robert Jeandor y su Solo Banda Show, D’licious y DJ Randy cu Metropolis. “Black Tie Dinner & Ball” ta reconoci pa su taxi dancersnan cual henter anochi ta disponibel pa baila cu e publico femenino.Pa mas informacion por tuma contacto cu:
Sharine Geerman: 5934249
Rosy Abreu-Vasco: 5926435
Jurney Silonero: 5681427
Anabella Campbell: 5620013
