Nos a ricibi noticia di Hulanda cu Bjorn Hart ta bay hunga campeonato Europeo di zaalvoetbal. E European Deaf Futsal Championship ta tuma luga na Italia
dia 13- 22 di october. Den e torneo aki ta participa e ekiponan masculino y femenino Hulandes. Pa loke ta ekipo masculino ta participa 16 pais den Europa y femenino un total di 11 pais Europeo.
E torneo aki ta tuma luga na e ciudad di Montesilvano na Italia. E yiu di tera Arubiano Bjorn Hart a representa Hulanda varios biaha den seleccion riba tanto veld di voetbal y zaalvoetbal den torneo tanto na Europa y otro paisnan manera Rusia y Israël.
E prome 8 ekiponan cu clasifica na Italia ta bay hunga campeonato mundial otro aña november na Brazil.
Nos ta desea Bjorn Hart tur clase di exito cu e torneo aki na Italia.
