Changan Aruba tin mas modelo di auto caminda abo por cera conoci cu ne. Nan tin auto pa famia cu colonan atractivo y di diferente modelo. Changan, situa riba L.G. Smith Boulevard 114, dilanti Aruba Ports Authority, tin auto cu tin double sunroof, automatico y un beyesa di auto.
E tin keyless startup cu airco, cu un dashboard digital. Esaki t’e auto cu abo mester busca y habri aña 2022 den un auto nobo.
Ta pa e motibo aki mes bo mester pasa mira e autonan aki cu ta priminti di ta un tendencia completo riba e careteranan di Aruba. Y sin conta e prijs, ta sumamente atractivo.
Angel Rojas, representante di benta di Changan. E ta conta cu nan tin un Crossover di Changan, completamente automatico cu un motor di 1.5 liter. E motor ta uno premia, e ta un motor yama ‘blue core’, premia rond mundo pa ta hopi economico pa consumo di gasolin.
Tambe e auto tin un paar di features di luho manera mackreem, nan ta un liña deportivo. Ora cu mira su front e ta uno hopi bunita y elegante. Tin panoramic sunroof. Fuera di e otro cualidadnan, tin un ‘entertainment center’ hopi practico pa traha cu ne. E Crossover ta un auto special pa e famia cu ta feliz y practico pa nos caretera.
PA CUMPRA UN AUTO
Rojas ta conta cu tur banco ta habri y dispuesto pa financia e autonan. Cada dia ta haya oferta di banco cu ta interesa pa financia e auto cu hopi facilidad. Ta cuminsa cu ningun downpayment y por financia pa 5, 6, 7 y hasta 8 aña. Ta papiando di pago pa luna pa un modelo cu ta entre 545 florin pa luna. Si bay un tiki mas aña naturalmente e ta baha. Pero si pone un downpayment, e pago ta baha tambe, dependiendo di e situacion financiero. E facilidadnan t’ey, Segun Rojas. Mescos e companianan di seguro t’ey pa yuda riba un tarifa mas rasonabel. Changan t’ey oficial na Aruba y na L.G. Smith Boulevard 114 por haya su piesanan ora cu ta necesario.
UN AUTO COMODO Y ESPACIO
Tambe nan tin e auto estilo SUV, cu e interior di cuero. Nan tin tur cos digital, bunita, automatico, cu un keyless start, cu su sunroof. Ta auto Changan tin pa e comunidad di Aruba. Sin duda un auto luhoso, pero na alcance di bo cartera.
Rojas a conta cu e modelo aki ta uno CS55. Ta un modelo cu tin un motor Blue Core, tambe premia rond mundo pa ta super economico. Ta un motor cu a gana premio tur caminda. Calidad di e auto aki ta uno fantastico unda cu por mira e detayenan di finesa, con bon e auto ta. Su interior, su parti exterior, por mira tambe e parti di carga, su mackreemnan. Tur detaye di e auto aki ta di hopi calidad.
Y pa abo haya e auto aki bo por paga te hasta 600 florin pa luna. Naturalmente ta depende con ta desea su financiamento. Bo por aplica facilmente door di bin cu e documentonan necesario. E proceso di banco lo bay hopi lihe, segun Rojas.
MOVIENDO CABA
E auto aki a bira un auto hopi popular. Ta increibel con e autonan aki a bende y ta bendiendo hopi lihe. Tin cu agrega cu tin carga ta biniendo fin di luna. Segun Rojas hopi di e autonan aki ta bendi. El a menciona cu nan ta hayando mas di e modelo CS55 y CS15, cual ta e Crossover mas chikito. Hopi hende tin interes riba e autonan aki. Tin hopi di e autonan aki riba caya. Nan ta super elegante, super bunita y basta fuerte. Hendenan ta hopi interesa basa rib’e prijs y e calidad di e auto.
Por mira tambe e pickup cu a bin (F70), cu ta un pickup hopi bunita y elegante, cu ta Turbo gasolin. El a yega y bay di biaha. Y esunnan cu ta na caminda, ta bendi caba. Ta hayando riba pedido e modelo automatico cu ta biniendo. Changan Aruba ta hayando tambe e diesel 4×4 standard cu tambe ta na caminda. Tin diferente modelo cu ya caba ta biniendo.
NIVEL Y PRIJS
Changan tin modelo cu ta cuminsa di nivel 1 te cu nivel 5. Esey ta haci cu tin diferente opcion di prijs pa diferente tipo di cliente.
Prijs ta por ehempel p’e Crossover, ta cuminsa na 29 mil florin total, pero depende e nivel di auto. Nivel 1 ta un tiki mas costoso, y asina e ta yega te nivel 5. Rojas a menciona cu tin diferencia di nivel pa nivel di mil florin extra, ect. Un auto ta mas ekipa c’e otro.
BIN PASA WAK
Bin mira e vehiculonan di e marca Changan, cu awo a yega Aruba. Nan ta auto super bunita, front espectacular y na un bon prijs. Pasa den nan tienda situa riba L.G. Smith Boulevard 114, net dilanti Aruba Ports Authority y asina bin test drive e autonan di Changan Aruba. Bin wak e auto di bo soño, cer’un deal y sin placa na man. Bin busca bo auto nobo nobo sin downpayment na Changan Aruba. Bo ta financia un auto via bo auto cu e papelnan necesario. E personal ta yena tur cos, cer’e deal, mand’e banco y dunando bo un financiamento. Nan ta traha cu cualkier banco. Bin busca bo auto nobo na Changan Aruba.
Bin explora tur posibilidad cu tin fo’i 8:00 am te cu 6:30 pm, mira e vehiculonan, e liña di vehiculo pa famia, pero tambe di carga, van di pasahero cu tin den stock, e liña di auto electrico como tambe e pickup nan. Bin na Changan Aruba y lo bo mira e diferente opcionnan cu tin.
