Propietario di Little Europe a bati alarma awe na polis pa motibo di e peligro cu e ta premira relaciona cu e dak di edificio di su localidad. A pidi ayudo pa evita cu esaki por causa cualkier daño na peaton y/o na trafico den e area.
Rond di 1:00PM propietario a yama polis pa expresa su preocupacion. E ta preocupa pa e dakpan, panchi, riba dak lo continua di bin abou y cay riba auto of persona. Ta pensa cu e biento fuerte cu a sinti henter dia di awe lo a causa daño na e structura di e dak cu a pone cu un parti a bin abou, pero tambe cu esaki lo por sigui y causa daño adicional.
Polis a coopera pa blokia e trafico p’asina e compania encarga por haci ahuste pa sigura cualkier parti cu ainda por ta formando peliger. Tambe a opta pa kita e pida restante di e dak.
