AZV ta informa cu e lista positivo nobo cu tabata programa pa drenta na vigor dia prome di februari, tin cambio.
Tabata referi na e siguiente cambionan cual por lo pronto ta cancela te dia prome di april:
Den transcurso di ultimo añanan varios remedi a bira remedi cu por busca sin receta di dokter, conoci como ʾOTCʾ (Over The Counter) y ta considera como remedinan pa cuido propio. Den pasado a saca varios remedi ʾOTCʾ for di e lista. Awor lo elimina esnan cu tabata falta.
Remedinan cu den transcurso di añanan a bira obsoleto, cu no ta prescribi nan mas, of cu tin un alternativa similar na prijs hopi mas faborabel y cu si ta wordo cubri door di AZV.
Remedinan cu awor lo cay bou di cierto criterio. Esaki ta nifica cu e remedinan aki no ta sali for di e pakete di AZV pero lo cay bou di e grupo di remedi cu mester cumpli na cierto criterio y pa cual mester di un aprobacion adelanta di AZV.
Resultado di e cambio pa e asegurado:
Pa e asegurado e ta nifica cu ora e bay botica, bo por hayabo cu bo tin cu paga pa bo remedi pasobra awor e ta un remedi di e categoria ʾOTCʾ. Botica di e pashent por cobrabo pa e remedinan aki y of pa remedinan cu ta prescribi pero cu ya AZV no ta cubri mas. Pa mas informacion tocante e lista di remedi por bay riba e website di AZV esta www.azv.aw
Loading…
Reload document
Open in new tab 
