Dialuna anochi, despues di 7:45 pm, polis y brandweer mester a presenta na un cas na Hooiberg. Esaki tabata debi cu biento a ranca dak di e cas.
E doño di cas tabata na trabou na momento cu esaki a sosode. El a splica cu un persona a yam’e pa asina inform’e cu henter e dak di su cas a lanta debi na un biento fuerte. E dak no a bay leu, ya cu esaki a keda pega n’e biga.
Polis a percura pa ningun persona yega cerca, mientras cu e bomberonan tabata controla e situacion. Despues cu nan a caba di mira con e situacion ta, a bay over na kita fuse pa por a desconecta e coriente y evita cu algo mas grave por pasa.
