Nos a drenta e temporada mas dushi, e temporada di fin di aña. Pa e motibo aki Directiva conhuntamente cu boluntarionan di Centro di Bario Savaneta ta organisa un biaha mas nan grandioso Bazaar di Pasco.
Na e Bazaar di Pasco aki lo tin diferente stand di entre otro articulonan di pasco, decoracion di pasco como tambe pasa boca y cosnan dushi. Manera semper e bar y cushina lo ta bon surti cu un variedad di cuminda y bebidanan bon frieuw. E tremendo Bazaar di Pasco aki lo tuma lugar diasabra 9 di December 2017 cuminsando for di 5.00 atardi te cu 10.00 anochi. Bini disfruta cu ful famia y gosa di entretenimento di entre otro Gaita Autentico y Aguinaldo Flor di Pasco.
Ademas nos tin un tremendo competencia di traha kerstboom cu productonan recicla cu premionan atractivo. E premio ganador lo ser entrega durante e Bazaar di Pasco dia 9 di December venidero. Pa mas informacion tocante e competencia aki por tuma contacto cu Charlyne na 594-8569. Like e facebook-page di Centro di Bario Savaneta pa keda informa di nos actividadnan pa e aña venidero.
