Awe mainta algo prome cu 8’or, a ripara cu tabata tin un holor straño den e Camara Room cu ta wordo yama Charlie Charlie na aeropuerto. A tuma contacto cu Brandweer di biaha, mirando e holor cu tabata sali, unda cu a bin resulta cu ta un bateria a rementa den Charlie Charlie.
Segun vocero di aeropuerto, Endy Croes, esaki, como medida di precausion, segun instruccion cu ta wordo ricibi for di Brandweer, evacua tur personal cu ta traha den e oficinanan parti ariba, pero tambe e area cu ta net bao di e oficina aki, cual ta e arrival area, unda cu e pasaheronan ta yega.
Esaki e ora tabata tin como consecuencia cu tabata tin personal cu a sali p’afo segun procedura. Di parti di AAA a activa e Emergency Response Team pa evacua tur personal.
Awor aki ta en espera pa brandweer duna e siguiente instruccionnan pa e personal bay bek p’aden. Esaki ta e unico area cu a wordo afecta, cual ta e area di e oficinanan di AAA y e Arrival Area cu ta net bao di dje. Awor aki tin tur empleado cu ta traha den e area aki ta pafo na e momentonan aki.
Tin di compronde di Brandweer cu no lo tarda mucho mas prome cu e area ta clear pa nan por drenta bek p’aden. Ta contento cu ta haya asistencia di parti di brandweer y ambulance, debi cu tin algun empleado a sinti un tiki efecto di e gas a ricibi asistencia di biaha.
Awor aki ta en espera pa aeropuerto por bira full operaciona bek. Tur otro operacion si na aeropuerto a sigui normal. Na e otro areanan di aeropuerto no a wordo afecta. Ta contento con esaki ta canando y gradicido pa e ayudo ricibi.
