Diferente team di Cuerpo Policial, e asina yama Project Team Drugspanden, a drenta den un cas cu e adres Bubali 22D y a detene e homber G.H., naci na Aruba, di 32 aña di edad, confiscando tambe bastante droga, entre otro XTC, cocaina y tambe marihuana. Esaki den cuadro cu un investigacion cu e team aki ta haciendo.
Project Team Drugspanden ta un team lanta pa haci investigacion di entre otro bendemento di droga for di un parcela. E team ta consisti di K9-unit, departamento tecnico di Cuerpo Policial y otro teamnan cu a participa na e entrada hudicial ya menciona.
Pa por resolve mas caso manera esaki, cooperacion y informacion di pueblo di Aruba ta hopi importante. Ta pa e motibo aki mes si tin cualkier informacion yama e tiplijn di Cuerpo Policial na 11141. Anonimato ta garantisa.
