Dialuna madruga desconocidonan a cende un bari sushi di Serlimar na candela riba Plaza Padu net patras di Algemene Rekenkamer, Bestuurskantoor y Parlamento. Total tres bari sushi a keda kima.
No ta conoci e intencion, pero ta mas cu casualidad cu den un area asina chikito tur e barinan aki a keda destrui. Brandweer y Polis a controla e barinan den area pa sigura cu no tin nada cu lo por cendenan na candela. Mas den mainta trahadonan di SERLIMAR a haci esakinan limpi y cambianan pa nobo.
