Barcelona a scapa 80 miyon di euro durante e compra y benta di hungadonan di futbol. Nan a bende of fia hungadonan Luis Suarez, Rakitic, Arturo Vidal, Semedo, Arthur, Rafinha, Todibo y Wague.
Luis Suarez tabata falta un aña di su contract pero a lag’e bay y awo e ta hunga pa Atletico di Madrid. Barcelona lo pag’e 7.5 miyon pa finalisacion di su contracto prome cu tempo. Arturo Vidal a bay pa Inter di Milan pa 1 miyon di euro. El a renuncia pa cobra e ultimo aña di su contract, Rakitic tambe a haci mescos y a bay pa Sevilla.
Semedo a bay pa Wolverhampton pa 30 miyon y tampoco lo ricibi retribucion di e club. Arthur a pasa pa Juventus na un balor di 72 miyon y Barcelona no mester pag’e nada aunke e tabata falta cuater aña di su contract. Barcelona a bende Rafinaha cu Manchester City pa 3 miyon.
Di otro banda pa dos aña Barcelona a fia Jean-Clair Todibo pa dos miyon di euro di Benfica y Moussa Wague pa un aña cu PAOK di Salonica. Barcelona a cumpra Miralem Pjanic di Juventus y Sergiño Dest di Ajax.
