Un dama mester sinti su mes comodo durante di e temporada di mas fastioso p’e den un luna y naturalmente Libresse ta conoci di ta brinda e comodidad aki.
Irena Croes a wordo invita pa Martijn Trading, hunto cu Libresse, pa market e campaña aki cu cuater deportista, e cuater damanan cu lo ta participando pa ta na final e embahadora di Libresse. Su tarea den e luna aki lo bay ta guia nan, responde na prensa, splica riba e campaña y naturalmente guia nan den e proceso.
Campaña
E campaña ta di Libresse, door cu ta un marca reconoci pa e siguridad y e confiansa cu e ta ofrece na e hende muhe durante di nan periodo di menstruacion un biaha pa luna. Ora cu bo ta un hende muhe, haciendo deporte, ta un tiki dificil. Bo mester por confia den un marca.
Esaki Libresse ta conoci p’e. Hunto cu e idea aki tras di Libresse, kier a bin cu un campaña, unda cu ta scoge algun atleta ya caba conoci na Aruba pa asina nan por mercadea nan mes, hunto cu e brand, pa por duna e conocemento na nan mes, nan deporte y naturalmente na e marca.
E ora a bin cu e idea aki. Nan a scoge cuater deportista y e intencion ta cu e deportistanan aki lo por mercadea nan mes riba social media hunto cu e marca, wak kico nan por tin di ofrece na e hende muhenan, na e brand y na nan mes. Dia 6 di December e campaña lo caba. Esun cu gana lo ricibi un suma. E meta ta pa hinca e suma aki bek den su deporte. E ta un win-win situation pa e marca, pa e deportista cu semper, ora cu ta den deporte, bo mester di fondo, vooral si bo ta riba un nivel internacional, caminda cu tin mester di un sponsor. Ta un win-win situation pa tur dos, segun Croes.
E atletanan
E damanan ta Amadee Nicolaas, kende ta representa den coremento y triathlon. Kayla Arends, di Volleyball y beach volleyball. Nathalee Geerman di Crossfit y Weightlifting. Finalmente nos ta haya Milvienne Henriquez di Softball y Futboll.
Peculiar ta cu nan ta di diferente generacion. Kayla tin 17 aña di edad. Nathalee tin 21 aña di edad y e otro dosnan ta 27 y 29. Nan ta representa un doelgroep basta ruim den diferente deporte.
Un cos cu nan tin hopi bon en comun, ta nan meta. Tur kier yega hopi leu den nan deporte y esey tin mester. Perseverancia, gana, amor y hopi disciplina pa e deporte. Esey ta loke nan tin den comun.
Croes ta wak cu e competencia lo ta basta fuerte pasobra e damanan aki tin’e hopi na serio. Riba e pagina di Facebook di Martijn Trading Aruba, manera cu e pagina habri por bay haya diferente video di nan. Durante henter luna nan lo ta promoviendo nan mes, e marca y e deporte, inspirando e otro damanan. Asina por vota riba un link cu tin riba e pagina di Facebook. E ta un email adres pa vota. Comparti’e, shar’e, pa asina cu e damanan aki por haya e votacion cu nan tin mester.
