No ta prome biaha cu antisocialnan ta kibra drenta den Ban Kome Snacks situa den Paardenbaaistraat. Gerente di e luga, den un entrevista chikito a comenta cu normalmente e no sa habri riba diadomingo, pero ora cu el a yega den careda di 10:00 am pa haci limpi, preparando asina pa un siman nobo, a bin haya un sorpresa desagradabel.
Ora cu el a yega e luga, el a conta cu lock di e porta ta kibra y a conclui cu ladronnan a pasa bishita, cual probablemente lo a sosode den oranan di marduga. Nan a bay cu juice, refresco y tambe cu tur carni cu tabatin warda den e freezer. Nan a laga e luga reboltia.
Echonan asina sigur ta demotiva hende cu ta traha duro pa bay padilanti. A tuma contacto di biaha cu polis y pone nan na altura di e situacion.Por ultimo e dama a termina bisando cu “p’esey e pobernan ta keda pober.
