Como parti di un biahe cu recientemente director di AZV, Edwin Jacobs a haci pa Colombia, el a comparti diamars mainta e resultado di encuentronan sosteni cu hospital y otro compania cu ta brinda servicio na e aseguradonan di Aruba. Particularmente a anuncia cu dia 1 di september proximo ta cuminsa e proceso di licitacion/aanbesteding pa cera contractnan nobo cu dunadornan di servicio na e pais Suramericano.
Ta spera cu lo tin tur contracto nobo firma pa 1 di maart 2023.E obhetivo tras di esaki no ta asina tanto pa baha gasto, pero si pa wanta e crecemento anual di gasto. Jacobs a splica cu si AZV no renegocia e contractonan nobo, e gastonan pa e entidad lo por a aumento cu entre 5% pa 6% pa aña, mientras cu awor por wanta esakinan mas bien na entre 2% pa 3%.
Mirando cu e perfil di salud di e Arubiano ta keda preocupante, esaki ta un manera di controla e crecemento di gasto y asina sigui brinda e cuido specialisa den exterior cu tin mester.
Tambe AZV a constata cu mester keda traha riba e comunicacion entre e specialistanan na Aruba y e specialistanan cu ta contrata. E director a compromete na bay regla tur esey den e proximo proceso di licitacion/aanbesteding.
Pa e relato completo, lesa TREMPAN
