Dia 4 di januari ta celebra Dia Mundial di Braille cu e fin di crea mayor conscientisacion riba e importancia di Braille como medio di comunicacion p’e pleno realisacion di e derechonan humano p’e personanan ciego of cu deficiencia visual.
Segun e Organisacion Mundial di salud, tin por lo menos 36 miyon persona cu cieguedad na mundo y 216 miyon cu ta sufri di un incapacidad visual modera of grave.
E personanan aki tin mas posibilidad di biba den pobresa, disfruta di pio salud y tin mas dificultad cu otro pa accede na educacion y trabao.
Tabata na december 2018 ora cu Nacionnan Uni a reconoce y a declara Dia Mundial di Braille pa su celebracion tur 4 di januari, destacando e multilinguismo, como balor basico di Nacionnan Uni.
PAKICO CELEBRA E DIA
A scoge e fecha pasobra e ta cuadra cu e fecha di nacemento dje creador di e sistema di scritura y di lectura tactil, Louis Braille, dia 4 di januari 1809 na Francia.
Louis Braille a keda ciego debi na un accidente durante su infancia mientras cu e tabata hunga den e workshop di su tata. Mas despues, a basa den e sistema inventa pa un militar yama Charles Barbier de la Serre y a reinventa e lenguahe aki basando prome na un matrix di 8 punto y despues den 6.
KICO TA BRAILLE
E ta un sistema alfabetico den relieve traha pa representa letter, e signonan di puntuacion, number, grafia cientifico, e simbolonan matematico y musica.
E alfabet di Braille ta consisti den celda di seis punto den relieve, organisa pa un matrix di tres rij pa dos columna, cu convencionalmente ta numera di ariba bay abao y di robes pa drechi. E presencia of ausencia di punto ta permiti e codificacion di e simbolonan. Mediante e seis puntonan aki ta obtene 64 combinacion diferente.
Ta existi ademas signo cu diferencia special pa converti un letter den mayusculo, cursivo, number of nota musical.
E sistema di scritura aki ta uza p’e personanan ciego of cu deficiencia visual pa lesa buki y publicacion y ta considera como un medio di comunicacion.
CURIOSIDAD DI BRAILLE
Nos por conta algun curiosidad riba e sistema Braille, pero fuera di esey, tira un bista riba internet unda cu lo bo haya un multitud di obheto den Braille, fuera di buki, manera:
* bleki di refresco cu e fecha di vencemento den Braille.
* Rubik Cube den Braille.
* Y multitud di cos manera tattoo, renchi, babero of paña di baby, tas, paki di pildo…
Y riba e curiosidadnan dje sistema Braille, nos por destaca lo siguiente:
* Hopi estudio realisa, ta conclui cu e personanan cu ta lesa den Braille, den mayoria di e ocasionnan, no ta caba di lesa un palabra, door cu nan a reconoce prome.
* E personanan cu ta perde bista na edad adulto ta haya mas facil skirbi cu lesa den Braille. Esaki ta sosode pasobra nan no tin e sentido di tacto y no ta percibi e letternan cu tacto cu e mesun facilidad manera mucha.
