Awe 15 di juli ta lansa SPERANSA, skirbi, dirigi y edita pa Levy Geerman y produci den su totalidad door di su compania Povi-tree. E musica ta dirigi bou di nomber di Emanuell Smith kende a traha cu e hoben talentoso Naomie Geerman pa e parti di vocals. No por a realisa e produccion aki sin e team dinamico cu a traha mescos cu tur hende boluntariamente pa asina hunto crea algo unico y inspirativo y duna SPERANSA aunke ta mustra tin biaha cu tur opcion a bay.
Levy Geeman ta considera su mes un hende cu hopi pasion pa skirbi. E ta opera bou di e nomber Povi-tree cual ta un compania local cu a zorg pa crea contenidonan comercial diferente y innovativo. Asina por pensa riba e cadena di propagandanan chistoso di Retraco cu figuranan manera buchi y popchi pero tambe propagandanan manera Wendy’s, Subway, Gosa bida cu Jeon etc pa menciona algun.
Bandi di esaki tin e parti di semper duna bek na pueblo como e meta principal di Povi-tree. Povi-tree su nificacion ta PO-powerfull/positive VI-vision/visuals Tree-hendenan cu kier yega na dje. E forma di duna bek ta den videonan den forma di inspirationals , motivationals. Asina a crea videonan manera: Time, Proud Islander, Imagination is for everyone, Creatures of God, Dicidi, Different but the same y Dios su Tempo hunto cu Jeon ( por wak esakinan riba youtube channel di Povi-tree ).
E biaha aki a presenta oportunidad di haya un support di Unoca via e programa di Unoca Cares. Nan ta masha gradecido cu e programa aki a inclui media visual tambe. A haci uzo di e oportunidad aki pa cubri un parti di e gastonan cu a bin acerca pa crea SPERANSA.
Por considera SPERANSA como un genero nobo y unico. SPERANSA ta un combinacion di spoken words pero combina cu muziek traha y composita akinan na Aruba tambe. SPERANSA tin un corus den dje cual ta algo unico pa un “spoken words”. Pues e no ta un spoken word inspirational pero e ta net niet un cantica tampoco. Pues e miho manera pa describi’e ta pa yame un “spoken music”.( algo diferente y nobo).
SPERANSA ta un storia cu ta hunga den 3 etapa di bida. Cada un personahe den su etapa di bida ta enfrenta situacionnan dificil pero sa di persevera y sigui padilanti door di tene SPERANSA. “SPERANSA ta e anker di bo alma!” E storia ta wordo conta door di Levy Geerman y segun e ta conta por wak e storia bin na bida ora wak e visualnan di e storia.( por wak e como highlights cu ta wordo saca di un pelicula).
Como cu a logra haya parti pa SPERANSA cubri pa Unoca a dicidi di bay un stap mas leu pa locual ta trata e produccion. Como cu e prome parti di e “spoken music” aki ( 6 min largo ongv) ta tuma parti den 1960 a dicidi di crea un filming set. Ora di traha un set tin e bentaha di por controla e luznan mucho mas facil , e espacio pa filma no ta un factor mas y tambe no ta un molester cu henter e grupo di filma y actua cerca cas di hende pa filma. A crea e filming set aki “from scratch” y a transform’e y uz’e pa filma diferente escena cu ta forma 70% di e produccion.
Band’i di filmacion on set tawata tin filmacionnan on location tambe pa por back up e storia di speransa den su totalidad. Banda di e challenge manera recrea 1960 ( busca meubels cuadra etc bieuw, con e hendenan tawata bisti e tempo ey) e timeframe tambe tawata un challenge hopi grandi. Tur esaki mester a pasa den un tempo di 30 dia. Den caso di SPERANSA por wak e den tempo di 3 siman como cu e prome 9 dianan tawata di luto en conexion cu deramento di padrastro di e director di SPERANSA Levy Geerman.
E meta principal di SPERANSA ta pa duna bek y pa duna SPERANSA den cua situacion cu bo por ta. Banda di esaki e meta ta pa traha un shortmovie di SPERANSA( aprox 30 min largo). “Nos ta convenci cu na Aruba tin hopi talento riba tereno di cinematografia , actuacion , musica etc. Tin hopi talento pa por crea algo positivo y di caliber halto.”
Por aporta y yuda na e meta di SPERANSA di bay na e next step esta crea e short movie mes, por haci esaki den diferente forma. Tur hende por like comment y share pa yuda SPERANSA THE STORY yega cerca tur hende.
Tambe por aporta di cumpra bo t-shirt di SPERANSA. Por order bo t-shirt via 7355880 y lo deliver e gratis. Prijs pa t-shirt ta Afl 25,-.
