Den un carta pa Ministerio Publico, Jan de Ruijter, representando Fundacion Nos ta Aruba, a pidi pa investiga minister di turismo, deporte y salubridad publico, Dangui Oduber, relaciona cu daño ireparabel na turismo y economia di Aruba. E fundacion ta acusa e mandatario di ta e causante di desempleo grandi, pobresa y intrankilidad social, door di a impone un seguro di salud pa cu COVID -19 pa bishitantenan di exterior na un compania di seguro privilegia.
Ta referi aki cu lo a comete delitonan grandi, iregularidadnan grave y penal, entre otro corupcion, soborno, trato preferencial y engaño premedita. Tur esaki riba custia di interes publico di e ciudadanonan di Aruba, turismo y nos economia y tambe riba custia di e solides y integridad di gobierno di Aruba.
E peticion haci di parti di e fundacion ta regarda tur esunnan envolvi y posibel beneficiarionan. Anexo ta publica e carta completo manda pa Ministerio Publico di parti di Fundacion Nos ta Aruba.
Loading…
Reload document
Open in new tab 
