Awe mainta habitantenan rond di e saliña na Bakval dilanti Marriott Resort y The Ritz Carlton a tuma nota di e awa color ros. Un experto a bisa nos cu no ta prome biaha e ta sosode y cu na e saliña na Santo Largo e sa sosode mas frecuente. Ta un proceso natural cu ta bin su so y ta corigi su so tambe.
Parce cu ta e bacteria halophilic archaebacteria ta causa e efecto di color di e awa ta tiña y haya un color manera ros. E bacteria ta biba solamente den awa para y awa salo, specialmente cerca di lama. Awa di saliña normal caba ta mas salo cu normal y como tal ta un luga ideal pa e bacteria biba aden.