Algo pasa di 5’or y 45 di diasabra mainta tempran, patruya di Playa a ser dirigi riba e caminda di Schotlandstraat, na altura di Banjolux, caminda lo tabata tin un auto cu lo a dal den cura di e luga. Na yegada di polis, enberdad a bin topa cu un Hyundai van H1 color blanco, numera A-66031. Ora polis a bay chick kico exactamente a sosode, a bin resulta cu e manehador di e van a perde control y bay dal den e cura. E homber tabata pata pata burachi y polis na su luga a detene e homber aki pa motibo cu e tabata stuur un auto bou di influencia di alcohol y a haci daño na luga di hende. Polis a tuma datonan di loke a pasa, pa despues a transporta e homber aki pa warda di Playa. Daño na e cura haci ta bastante. E van mes no por move riba su mesun forsa door cu e taira banda robes a kibra.
