Diadomingo despues di 1:00 am, informe a drenta cu riba caminda di Ayo pa Matividiri, lo tin un auto para memey di caminda. Ora Polis a yega, en berdad nan a bin topa c’un auto colo cora BYD F0 para memey di caminda net den e bocht prome cu yega n’e Supermercado Wai Fat.
E auto tabata tin sla basta pisa parti dilanti, pero no tabata tin ningun hende n’e sitio y no tabata posibel pa conclui unda e chauffeur a dal su auto.
Polis a purba di sac’afo ken ta doño di e vehiculo, pero no tabatin ningun documento den e auto, ni sikiera su number.
Debi cu e auto tabata forma un peliger pa trafico, a laga takelwagen bin, hal’e un banda y lag’e atras cerca di e supermercado.
