Diabierna den oranan laat di anochi tabatin un accidente cu a tuma luga den area di Noord unda cu tabatin tres vehiculo envolvi, entre otro uno cu ta uza pa transporta cabay.

Tabata algo pasa di 11.30 cu e accidente a tuma luga banda di Warda di Polis na Noord (e bieu). Segun por a compronde, e Van cu ta transporta cabay pa motibonan desconoci a baha di caminda y a bay dal den un jeep blanco. E vehiculo aki na su turno a sigui core y a bay dal den un auto cora. Un total di tres persona a keda herida y transporta pa hospital.

Daño material tabata basta grandi.

Comments

comments