Polis a presenta na Bushiri pa asina atende cu melding di un candela grandi den e area. Na yegada a bin topa cu un vehiculo na candela y mesora a pidi presencia di brandweer.
Esaki a tuma luga den careda di 11:30 am cerca di Bushiri Complex. Brandweer a yega y drenta den accion pa asina paga e vehiculo cu tabata na candela.
Segun por a observa, mas tanto lo tabata trata di un vehiculo bandona den e mondi di Bushiri. A yena e auto cu sushi y cende esaki intencionalmente na candela.
Un rato despues a domina e situacion. E area aki ta uno cu ta basta den basta dificultad cu e mantencion y limpiesa di e area. No ta prome biaha cu trece e situacion aki dilanti. E habitantenan ta man na cabes cu e sushedad cu ta acumula rond di e compleho y na mas di un ocasion a pidi yudansa di esunnan encarga.
