Diadomingo atardi alrededor di 5:45 pm a sosode un accidente riba e caminda di Paradera pa Jaburibari. Aki ta caminda cu un un auto marca Nissan modelo March color shinishi a perde control y dal contra di un palo di luz.
Daño material tabata basta, e vehiculo a keda completamente destrui. Den e auto tabatin un baby sinta patras. Ambulance a presenta p’asina brinda atencion medico tanto na e chauffeur como e baby. A trata nan na sitio mes.
Polis di trafico a presenta pa documenta e accidente di un solo auto aki. A notifica Elmar p’asina por atende cu e palo di luz kibra.