Velocidad halto ta causa cu chauffeur cu un pickup Toyota Hilux color blanco numera A-62415 a ranca un palo di luz den e bario di Keito. Tabata algo pasa di 7:35 mainta riba dia di Himno y Bandera cu un Hilux pickup color blanco bayendo direccion nort y full speed a topa cu e birada skerpi. E chauffeur no por a domina e stuur y a sigui straight dal den e palo di luz y saca esaki completo for di tera. E manehador a sali ileso for di e accidente pero presencia di ambulance pa duna e manehador un control tabata necesario. Despues toch a transport’e pa hospital. Daño material tabata basta grandi. Elmar tambe a presenta pa asina kita coriente for di e palo y despues trabounan cuminsa. Hopi bisiña te na Palm Beach a keda sin coriente. Nan tabata bisa hasta cu a scucha un klap masha fuerte.
