Den careda di di 9:30 am a sosode un accidente n’e crusada di Engelandstraat y Frankrijkstraat. Esaki tabata entre un KIA Rio color shinishi number A-74119 y UTV number V-3763.
E UTV ta forma parti di un tour cu a caba di sali. Net na momento cu nan tabata pasando n’e crusada, e chauffeur femenino dje KIA no a duna preferencia n’e UTV y consecuentemente a dal contra dje vehiculo di tour. Den e UTV tabatin dos turista femenino y nan no a resulta herida, pero si tabata spanta p’e incidente.
E KIA a keda cu basta daño material, unda e parti dilanti (bumper) a kita por completo. E UTV no a sufri hopi daño.
