Diasabra anochi, un chauffeur riba LG Smith Blvd a dal un cacho den careda di 10:00pm.
Tabata net prome cu Turbo Rotonde banda di Harbour Arena cu e accidente a sosode. E cacho Pitbull tabata canando y a bay pa crusa. E chauffeur cu velocidad halto no a paga tino y ta dal e cacho. E cacho a haya sla na cabes. El a keda memey di caminda benta, sufriendo un rato halando su ultimo rosea. Polis a presenta tambe.
Un rato prome a yega un chauffeur a para su auto y hala e cacho pone riba acera. Eynan el a keda sin bida. Polis a mira e situacion y a keda di haci anotacion pa dialuna Serlimar pasa busca e cacho.
E chauffeur cu a dal e cacho a djis sigui su caminda y no a para pa wak e situacion cu el a causa cu consecuencia cu e cacho a perde su bida.
