Un rato pasa alrededor di 11:05pm a sosode un accidente riba Avenida Nelson Orlando Oduber, antes conoci como Sasakiweg. Ta net dilanti di e compleho di entretenimiento di momento, Gloria IMAX.
Un auto marca Hyundai modelo i10 numera A- 26765, color di oro, a accidenta su so. E tabata direccion pa Playa. Con e accidente a tuma luga exactamente no ta conoci.
Specialista di trafico di polis a presenta pa atende cu e accidente aki. E impacto tabata hopi fuerte, cu e auto a keda completamente destrui y cu cuater wiel den laira.
E chauffeur a resulta levemente herida. Ambulance a presenta pa brinda e victima atencion medico na sitio. Polis a keda si sigui investiga e caso aki.