Diasabra marduga pa mas o menos 3:00 am a sosode un accidente na e rotonde riba Watty Vos Boulevard na altura di Cas Casuela. Un jeep marca Suzuki modelo Jimmy numera A-18554 a perde control, biniendo di Ponton, dal den e rotonde y sigui bay dal den un palo di luz.
E chauffeur a resulta herida pa cual paramediconan di Ambulance a brind’e asistencia, purba stabilis’e na e sitio mes y despues a transport’e cu urgencia pa hospital.
No ta conoci si e chauffeur a pega soño tras di stuur of tabata bao influencia di alcohol.
