Deseo ta pa Caya Grandi no bay perdi. Por mira cu gobiernonan pa añanan largo ta purba den tur forma pa rebiba nos caya grandi. Tin como 50 negoshi cera, bandona den caya. Audrey Croes-Lacle a haci hopi esfuerso, hinca hopi tempo boluntario y a pasa den hopi reunion cu gobiernonan y finalmente a mira cu un caminda tin un cos cu no ta bay.
Croes-Lacle, siendo doño di negoshi, por mira e situacion hopi precario cu ta tumando luga awor aki. Ora cu inverti den un proyecto manera caya grandi, manera ta wordo bisa, un promedio di 42 miyon, e no ta algo cu bo por bira lomba pe despues. Esey ta loke ta sinti cu a wordo haci e ultimo añanan. Ora cu a inverti e suma ey den caya y despues ta bira lomba pa e proyecto, lagando cosnan na mita, pasobra esaki ta un compleho di diferente cosnan cu tin cu wordo haci pa caya por biba.
Croes-Lacle ta ripara cu ta sigui traha bayendo partinan di beach, caminda cu bo ta bisa mas tienda pakico. Tin un overschot caba di tienda na Aruba. Eigenlijk di tur cos tin di mas. Camara di Comercio ta bisa siman pasa cu hendenan mester ta mas innovativo, mester habri mas luga, tin Qredits, por ehempel. Ora cu un negoshi of un caya comercial completamente ta grita y banco no tin oido pa nan situacion. A haya comentario cu ni verf nan ta pasa. Despues di hopi aña, construccion a cuminsa na 2010 y cu a sinta na Juni den tur e reunionnan, cos a bay atras, pasobra hopi hende ni a lanta cabes for di e tempo ey. E complehidad di centro, no ta papia solamente di caya grandi, caminda bo ta haya cu awendia hende ta bisa cu e tin aña sin bin den caya, ta algo cu ta pidi atencion di e gobiernonan. Di esun cu a pasa como esun di awo. No por afford pa laga e caya aki bay. Un caya manera nos tin cu mas di 50 negoshi cera den centro, ta bira un luga pa vandalismo. E comerciantenan ta sufriendo caba di por ehempel chollernan cu ta drenta coy cos, ainda nan ta kibra showcase. Constantemente ta sufri di esaki. A haci un prueba di 2016 cu gobierno a laga auto pasa den caya y ta boga pa wak e resultado di e prueba ey di November/December 2016. A ripara cu el a yuda durante e temporada ey. Pero mester compronde cu un of dos luna so, no ta haci e negoshinan aki por lanta cabes. Ta pidi pa wak e rapport aki y pa wak con por sinta na mesa pa haci algo miho. Tin yen di e entrepeneur hoben, muchanan studia cu por pone cabes hunto. Pero manera cu Croes-Lacle a bisa di un principio. Si esaki ta un asociacion manera ya caba nan ta sufriendo di e sindroom ey atrobe. Ta di compronde cu Lindsey Croes, cu ta guia esaki ta pasa trabao pa haya e placa pa sigui cu cierto programanan cu e kier organisa y esaki ta bira cu si bo no ta den un posicion di un rechtspersoon, cu e budget aki ta bay existi di placanan cu ta wordo poni pero cu ta opgelegd, sino bo ta haya un beslag, bo no ta haya esaki florece si bo no tin un structura traha cu budget cu tur cos.
Tambe tin di compronde cu e statutonan a yega di bay notario, pero nunca a wordo firma. Oficialmente un bid no tin. Como asociacion bo ta ripara si bo bay lesa den pasado cu diferente pasonan na Hulanda, na diferente pais, si nan no lanta algo cu seriamente ta algo cu ta wordo dirigi door di un rechtspersoon cu tin un raad van comissarissen, cu tin staff minimal, cosnan cu por wordo uitbesteedt cu ta wordo haci pa caya, no lo logra. Hopi biaha e placa ey ta verwater. Manera cu por a tende siman pasa cu nan ta nombra cu comerciantenan ta gusta tuma y no duna? No ta asina. Si no tabata pa comerciantenan rond Aruba, tur programa di deporte, tur programa di miss, ken ta esun cu ta end up ta sponsornan? Ta algo cu hopi ta lubida lihe.
