Un biaha mas dia no ta cera sin problema den Carnival Village. Pa mas of menos 6’or y mey di atardi, dos unidad di polis a presenta na Carnival Village pa un problema entre dos doño di kiosco.
Aki un ta acusa otro di ta basha bao di lo ta bende alcohol sin permiso. Segun informacion ricibi, e dia prome caba polis a presenta na un di e kiosconan y a confisca varios boter di alcohol den e luga, debi cu ningun di e kiosconan no tin permiso pa bende alcohol.
E comerciantenan aki no a keda mucho contento cu polis, cu a bin intermedia den e conflicto aki. Finalmente polis a papia cu ambos partido y pone nan para straight. Paz y trankilidad a reina, sinembargo no ta descarta cu lo por bay tin problema den futuro.
