Polisnan a subi caya atrobe pa asina zorg pa caya ta keto. Kier evita cu tin hende riba caya y asina pone un paro cu movecion di hende.
A anuncia Toque de Queda. Prome cu habrimento di siman probablemente nan lo yega na un cantidad di 200 mil florin na multa duna. Diasabra manera 9or a bati a cuminsa cu e detencionnan.
Prome detencion tabata den Weststraat dilanti Win Lee Supermarket. Eynan a detene un homber.
Djey a sigui un cantidad di detencion uno tras di otro. Den Socotorolaan, Guyabastraat, Cashustraat, Dadelstraat, Turibana, Sero Janchi, Sabana Liber, Sabana Basora, Daliastraat patras di YMCA na San Nicolas, Bernhardstraat, Madiki Kavel, Paradijswijk cayanan di Frere, Caya Betico Croes banda di ex RBC, Rondweg etc.
Tin caminda cu a detene hende na pia of otronan den auto. Hopi deteni tabata net pafo di cura di nan cas. Tin cu a djis sali coy algo pafo of crusa di un cura pa otro y net Polis a pasa. A pone man mesora riba nan. Aki por mira algun di e detencionnan.
