Pa 7.17 di diabierna anochi Central di polis haya un yamada cu un atraco a tuma luga na Ton Li Supermarket na Weg Sero Preto.Na yegada di patruya e victima ta splica cu un homber bisti full na preto a drenta dicho luga y a exigi placa.
Te cu aworaki e victima no sa exacto cuanto placa a bay cu ne. Mientras tanto mirando cu no a uza ningun arma recherche di San Nicolas y BFTO a presenta na dicho supermarket pa tuma e investigacion over, tambe slachtofferhulp.
Cuerpo Policial ta pidi pa esnan cu a wak algo of sa algo yama tiplijn di polis cu ta 11141.
