Dialuna mainta a tuma luga un atraco na un cas na Boegoeroei 20-A. Cu urgencia e doño di cas a dirigi su mes pa su cas na momento cu a haya informacion cu un persona a drenta e cas, a agredi personal na su cas y a bay cu cierto cantidad di placa.
Fuera di e susto tanto na e yiu como e trahado, a agredi e trahado na e cas. Polis y ambulance tabata n’e sitio, pa asina atende cu e situacion.
E trahado tabatin dolor na barica y na cabes. Na e sitio polis a haya descripcion di e atracadonan y actualmente nan ta den vecindario ta buscando e malhechornan, cu a subi un Hyundai i10 color blauw scur, pa asina nan duna cuenta na husticia.
Mientras tanto personal di ambulance a atende cu e victima, kende tabata keha di dolor.
E atracado tabatin un carson (jeans) color cla bisti y tambe un paña color cora cu blanci cu el a uza pa tapa su cara. El a papia spaño y papiamento sinembargo ta mustra cu e ta un rubiano.
E caso aki tin atencion di polis.
