Dos tipo arma a keda cu gana di haya placa facil. Tabata alrededor di 9:00 pm ora cu habitante di Papaya 13B a bati alarma na polis pa dos homber cu arma. Tabata forsa e porta pa drenta pero no a logra. Tur porta tabata na lock. No ta conoci si nan tabata cara tapa of no. Papaya 13B ta keda net pariba di Camry Supermarket. Bisiña no a mira nada. Polis a cuminsa cu un buskeda den e area pero no a topa cu e tiponan aki. Pa reforsa e proceso di investigacion, a avisa atraco team. Por lo menos dos agente di atraco team a presenta pa scucha e habitantenan y cuminsa cu e proceso di investigacion. Un cos ta sigur, na e supermercado tin camara na tur skina, tur cos ta mustra cu nan lo por yuda resolve e caso y of identifica e dos hombernan aki.
