BBO ta hinca den e prijs di gasolin y hopi hende no a realisa esey. Combustibel ta hinca tur caminda den tur producto riba Aruba, transporte y otro gasto cu comercio tin. Aruba Trade & Industry Association (ATIA) ta kere cu gobierno mes por a absorba aumento di BBO den prijs di gasolin.
Herrick Henriquez, director di ATIA, a splica cu hopi hende sa lubida cu den prijs di producto, den e prijs final, tin otro costo rond di dje. Mas cu claro gasolin y transporte ta un di nan. Loke ATIA ta haya interesante ta cu hopi bes gobierno ta bisa di puntra comercio pa purba absorba algun di e costonan di BBO, cu comercio por absorbe.
ATIA ta mira cu di otro banda gobierno tampoco ta haci esey. Segun Henriquez, nan tambe por a dicidi di laga gasolin mesun cos. Algo interesante ta cu na nos hermana isla si compara gasolin, cu ta un producto mescos eynan cu aki, nan gasolin ta casi 60 cen pa liter menos cu Aruba. E calculacion con ta rebend’e ta diferente. Y awo cu e BBO a subi cu 1% y bira 7%, e ta afecta hende. E ta bay afecta otro prijs na Aruba.
Henriquez a indica cu ta bay mira hende stuur auto menos. E ayudo cu hende ta haya door di subi belastingvrije voet, loke hende ta bay haya extra den nan saco, ATIA ta sinti cu esey no ta bay cubri coriente, gasolin, awa cu ta mas caro, cu ta e eerste levensbehoefte, canasta basico a subi.
Pa mas lesa TREMPAN.COM.
