Ateliers ’89 Academia di Bellas Artes Aruba ta manda un grato deseo na tur su participantenan y e publico amante di arte en general, pa un felis aña 2019 yen di dicha y prosperidad. Y al mismo instante ta anuncia su clasico workshop nobo di pintura pa Januari 2019.
Pa e gran maestro pintor di Maracaibo Venezuela, Gustavo Paris. Cuminsando Dialuna 7 di Januari 2019. Pa un luna. Di Dialuna pa Diahuebs di 6.30 pa 9.30pm. Terminando den un exposicion ariba Diahuebs 31 di januari
Workshop “Acrylic and Drawing Techniques” di Gustavo Paris
7 di januari pa 31 di januari
Ateliers ‘89 Fundacion ta invita bo persona na e workshop di pintamento y tecnica di dibuho cu artista internacional Gustavo Paris. Cada persona tin nan manera individual di expresa nan creatividad y nan inteligencia. Pues cu e workshop aki. E artista kier yuda pa busca cada persona su concepto contemporaneo individual. Di e manera aki ta spera di conecta ideanan creativo cu tecnicanan fundamental di trahamento di pintura y dibuho durante e tres simannan di e workshop.
Den ultimo añanan e uzo di medionan mescla den pintura a basha abou e muraya entre pintura y dibuho, cual ta creando expresionnan artistico mas profundo y lucrativo. Gustavo Paris su propio trabou ta den e mesun esfera aki, mirando cu su trabou ta habri nan mes den espacio. De hecho, nan ta similar na paisahenan cosmico, fragmento di galaxianan captura den nan existencia eterno y continuo. Den cierto di e obranan, e artista ta introduci un seccion di espacio como un background, evocando e tantisimo soñonan genera pa espacio den mente humano durante historia. Den otro e ta mustra un strepi horizontal cual ta crea un contraste di tension combina cu e pintura su strepinan dinamico. Asina e artista ta sugeri y contribui na e idea cu paisahenan “humano” no mester ta organico si no cu por crea nan, soña di nan y diseña nan — hasta den ambientenan extra-planetario. Gustavo Paris lo supervisa bo como participante den e workshop pa desaroya bo propio expresion por medio di ehercicio di dibuho y pintura, culminando na final cu un exhibicion. E artista ta haya cu cada creador tin e habilidad di transforma e mundo, maske ta leu of si ta cerca di su mes, pa cambia algo den algo mas significativo di loke ta aparece.
Cada creador no-figurativo kier transcende cosnan comun pa por yega na loke ta spiritual por medio di un acto impicito di fe. Algo cu ta logra transmiti algo berdaderamente genuino na un persona sensitivo y intuitivo. Den Paris su abstractionismo lyrico, nos ta mira un biahe na un paisahe interno, cual den cierto manera, ta logra conecta cu cosmos desde e consciencia interno.
Informacion di e artista Gustavo Paris
Gustavo Paris was born in Venezuela in 1974. He started his studies at a very early age at the art academy taught by artist Ildebrando Rossi. He received his bachelor’s degree in Plastic Art in 2001 at the Cecilio Acosta Catholic University in Zulia, Venezuela, where he started his career as a professor teaching painting, drawing, and graphic art language from 2005 to 2010. Paris also taught at the Julio Arraga National School of Plastic Arts from 2008 to 2016. He is currently a full-time professor for the Faculty of Arts at the University of Zulia where he’s been teaching painting and drawing since 2012. Gustavo Paris has a long trajectory and exhibition record that includes exhibitions in multiple cities in the world.
“Reaching the intangible seems difficult and impossible, however the thought travels beyond reason and attracts the invisible to the visible, to be transported into a space of emptiness, of the internal and finds ideas and translates them. It translates into my purpose of existence”, Gustavo Paris (2012).
Pa incribi pa e workshop clasico aki di pintura pa e luna di Januari. Por manda un mail na director di Ateliers ’89 Elvis López, na [email protected]. Por yama tambe na Cel: 5654613 o Tel: 5885776. Edad ta 12 aña pariba. Costo pa e luna henter ta Afl.250 pa adulto y pa hobennan cu ta bai school ta Afl. 200. Ateliers ’89 ta situa na banda drechi riba e crusada di Maria Colege na Playa. Inscribi awor paso cuponan ta limita.
