Awendia nos por mira varios mucha ta ocupa nan mes mas cu un celular of tablet, computer of laptop, mas lihe cu nan lo bay gara un buki den nan man. Nos a puntra directora di Biblioteca Nacional con nan ta atende cu esaki, den un era digital, pa stimula mucha y hoben pa sigui desaroya nan lesamento.
Astrid Britten, director di Biblioteca Nacional ta bisa cu e parti fisico y digital ta complementa otro. Semper lo tin e parti di desaroyo tecnologico, hunto cu inovacion cu ta tuma lugar den tur rango di trabao. E directora ta bisa cu den e parti di e funcion y trabao di biblioteca, esaki no ta un excepcion. “Nos ta purba di haci lo maximo pa tin un dominio di e partinan tecnologico cu nos por uza.”
Recientemente, riba 28 di october cu a pasa, Biblioteca a lansa nan plataforma digital na unda conhuntamente cu mas partner pa coleccion.aw. Akinan poco poco tur instancia cultural y cu tin material di nos herencia di Aruba, a uni forsa y traha hunto. Di e banda aki tin e parti duradero cu ta bini for di digitalisacion.
Manera nos a raporta, Diasabra, dia 4 di november 2023 lo tin e apertura di Festival di Buki pa Mucha na Cas di Cultura. E librerianan local lo ta presente desde 5 or di atardi, cada compra di 25 florin of mas lo ricibi un buki di siman regalo y 6 or di atardi e show oficial lo inicia. Esaki ta di 31 Festival di Buki pa Mucha. Tema di Festival di Buki pa Mucha 2023 ta Mi Buki, mi cas! Durante e siman di 6 pa 10 di november, autor-, ilustrado- y contadonan di cuenta lo pasa rond di 50 scol preparatorio, scol basico y scol special y scol priva pa promociona lesamento.
Lesa mas den TREMPAN.
