Un caso lamentabel a tuma luga ora cu un ciudadano Arubiano, biba masha tempo den exterior a acerca nos redaccion y bisa cu un persona a hort’e na beach.
E ciudadano, nomber cu nos tin reserva pa redaccin, a indica cu e echo tabata uno hopi serio, cu a sosode dia 19 di januari ultimo cerca di 4:00 pm.
Mientras cu e tabata disfruta di e beach den un descuido un homber local a atrac’e y a bay cu su cadena di oro, cu tin un balor sentimental p’e.
E individuo a dal un careda cu ni security di e hotel no por a alcanc’e. Asina lihe el a disparce.
E ciudadano mes tin mas cu 11 aña sin bin Aruba y el a indica cu sigur no lo bin bek Aruba p’awo mirando kico a pasa cu ne. “Imagina si esaki a pasa cu un turista cu nunca a yega di bin Aruba. E lo ta algo hoppi erg pa turismo,” ta loke el a expresa.
E ciudadano a indica cu el a bringa cu e sospechoso den baño unda cu eynan el a kita e cadena for di su nek.
E sspechoso te asina leu cu e ta corda tin un aspecto Indjan, cu cabey preto no mucho largo ni cortic y e colo di cuero ta colo bruin cla, cu cara chikito. E tabata papia co’i loco cu e ciudadan loke a pone rabia.
E sospechoso a purba di papia Spaño, pero ni esey el a haci bon. Loke e ciudadano a haya mas tristo ainda, cu a pesar cu el a grita pa security pa ayudo, ningun hende a bin. Despues el a scucha di security cu un turista a bis’e cu tabatin gritamento den baño, pero asina mes, ningun hende a bin wak.
E sospechoso, te asina leu, no tabatin arma pero loke e ciudadano a haya mas straño ta cu ora el a hinca su man den su carson parti dilanti, su curason a cuminsa bati masha duro mes. Pero afortunadamente, ora cu e homber a papia co’i loco cu ne y a bin cerca di dje, e ciudadano a grita pa stop di harrass e, lke a pone e sospechoso dicidi pa bin mas cerca, hinca man den su carson.
Eynan e dosnan a cuminsa bringa cu otro, te cu e ciudadano a mand’e un scop masha duro na su barica. Asina mes e sospechoso a logra bay cu e cadena y huy di e luga.
“Mi ta haya hopi jammer cu cos asina ta pasa na Aruba, anto vooral cu turista. Ami mes no lo bin na Aruba pa un tempo largo y riba dje Aruba ta mas caro cu Hulanda, erg jammer,” ta loke el a expresa.
E ciudadan a indica cu e no ta worry cu cos material. Aunke tabata trata di un cadena di 14k cu un hanger na dje, e balor sentimental ta uno grandi ya cu tabata e prome cadena cu el a cumpra. Un cos si e ta contento, pasobra e ta na bida, danki na Dios.
E ciudadano a hiba denuncia na strandpolitie, pero te ainda e no a haya ningun reaccion. El a purba di tur manera pa tuma contacto cu nan, pero ningun contesta.
