Diaranson atardi a tuma lugar re-apertura di e greenhouse di stichting kinderhuis Imeldahof dor di directiva y miembronan di Aruba Lions Club den presencia di directora di Imeldahof sra.Natalia Hernandez, leidsternan y e clientenan di dicho intancia.
Un tempo atras sra.Natalia Hernandez a acerca directiva di Aruba Lions Club cu e peticion pa yuda start-up e greenhouse asina e instituto por cuminsa bek na planta mata di fruta y siᾗa e muchanan planta mata di fruta como proyecto sostenibel duradero pa e muchanan. Alaves e por ser usa tambe como terapia pa e clientenan di stichting Imeldahof. Sra Natalia Hernandez a expresa su gratitud na Aruba Lions Club cu a wak e importancia di e greenhouse pa e clientenan di Imeldahof y ta spera cu den future por realisa mas proyectonan hunto na beneficio di e clientenan di Imeldahof.
Mester gradici tambe ministerio di agricultura y Directie Santa Rosa cu a hacie posibel pa a regala Aruba Lions Club e matanan di fruta pa asina na su turno a regala esakinan tambe na Stichting Kinderhuis Imeldahof.
