Aruba Lions Club dia 28 di october proximo lo tene nan Festival di Karaoke na The New China Club. Meta di e festival aki ta pa recauda fondo pa sigui yuda den varios proyecto pa comunidad, manera tabata e caso durante e ultimo 75 añanan.
Si abo ta desea di participa den e Karaoke Festival aki por yama George Winterdaal na 561-6151 of Magaly Dijkhoff- Arends na 592-1668 y inscribi. Mester bisa cu e festival a haya un bon acogida. Ya caba tabatin varios inscripcion y ainda tin algun luga habri pa participa. Pero no tarda, pasobra manera e inscripcion ta bayendo, ta mustra cu pronto ta bay cera esaki.
Lo tin dos categoria cual ta Categoria A y B. Tambe lo tin un bar y cushina bon surti.
Entrada lo tin un balor di Afl. 20,00 y lo ta disponibel cerca tur e participantenan.
Aruba Lions Club ta un club di servicio cu tin 75 aña brindando servicio na comunidad di Aruba cu diferente proyecto manera Cama di Hospital y rolstoel, Hunger Relief, Smile Mobile y hopi mas.
Tur fondo cu recauda ta bay 100% bek den nos comunidad.
Nos ta invita tur persona riba 18 aña pa inscribi y tambe ta invita tur e clubnan di servicio pa inscribi y demostra nan talento.