FUNDACION BAN EDUCA Y PREPARA DERECHO HUMANO, TRATO IGUAL, ZERO DISCRIMINACION a wordo funda cu e meta pa concientisa pueblo di su derechonan cu e tin
como ser humano y preveni cu e derechonan aki wordo viola of ignora.
Contra aresta discriminacion y promove igualdad tambe ta parti esencial di nos fundacion. Derechonan di e ser humano ta ancra den capitulo 1 di nos constitucion. E fundacion ta haya importante pa e comunidad den un forma continuo tene cuenta cu su propio derechonan y e derechonan di otro. No solamente comunidad pero tambe mandatarionan ta ser spera di nan cu derechonan humano ta haya un posicion central den maneho diario. Pa medio di diferente actividadnan e fundacion kier concientisa pueblo di su derechonan fundamental. E promer actividad lo ta un caminata di concientisacion di 5 km ‘Human Rights Power Walk 2017’. E caminata lo tuma lugar riba 10 december 2017, diadomingo atardi. E fecha aki ta uno cu ta wordo conmemora internacionalmente pasobra Nacionan Uni a adopta riba 10 december 1948 a reconoce e Declaracion Universal di Derechonan Humano.
Registracion lo cuminsa 3:30 pm y e salida ta 5:00 pm. Dress code ta: White T Shirt cu ta nifica pas y un comienzo nobo! E ruta lo ta: Bucuti Yacht Club y termina na e mesun lugar. Tickets ta costa solamente 5 florin y ta obtenibel na diferente lugarnan : Ibisa Sport Centrum Oranjestad, Gallo Rojo San Nicolaas, Cuts & Curve Savaneta y Paradera, Welcome Snack Oranjestad, Tia Rosa Snack Pos Chiquito, Grill 21 San Nicolaas. Na final di e caminata lo tin algún doorprices. Pa mas informacion por contact nr 593-3156 (Astrid Vries) E-mail: [email protected]/[email protected] E Fundacion tin su preocupacion tambe riba tur e problemanan social cu nos tin ariba nos isla. E fundacion ta desea pa tur organisacion, fundación, companianan uni na e caminata aki pa duna realse na nos derechonan humano. Tur compania cu cumpra tickets pa su trahadornan lo bai riba e banner grandi como patrocinador di e evento aki.
Den transcurso di e dianan y lunanan nos dilanti e Fundacion lo splica mas via social media y otro medionan di comunicacion mas di e meta, visión y tareanan cu lo wordo hasi pa comunidad. Aruba completo ta wordo invita pa join y manifesta su mes pa nos derechonan!
