Por a tuma nota riba e pagina di Facebook di e cantante Sasha Figaroa, cu entrante dialuna, dia 3 di mei, entertainers por presenta cu un maximo di tres persona riba escenario.
El a remarca sinembargo cu a pesar cu Prome Minister a pone pa musico, esaki ta conta tambe pa bailado y tur otro entertainers.
Ta importante pa menciona cu Aruba Entertainment 2020 a negosha pa cinco entertainer y a logra cu tres solamente.
Pero aplicando e protocolnan pa por cuminsa presenta cu cinco integrante, por haci esaki posibel si tur hende coopera y sigui cu e protocolnan na nan luga.
Mientras tanto Prome Minister Evelyn Wever-Croes tambe a anuncia riba su pagina personal di Facebook, cu e presentacion di tres musico ta un hecho, a pesar cu nada oficial a tuma luga ainda.
E noticia aki tabata andando for di ayera caba caminda varios usuario a post, tanto riba Facebook como riba Whatsapp, creando asina e pregunta si e noticia aki ta berdad of no.
Ta keda pendiente pa cualkier anuncio di parti di gobierno riba e cambio aki.
