Aruba Circular Economy Foundation ta organisa un dialogo interactivo riba e topico di aclimatisacion y energia relaciona cu un economía circular.
E evento lo tuma lugar diasabra 13 di mei di 10:30am te cu 12:00pm den e Aula di Universidad di Aruba. E evento ta gratis pa tur cu ta desea di ta presente fisico of cu lo presencia e evento aki online.
Cu e evento aki, Aruba Circular Economy Foundation miho conoci como ACEF ta desea di crea un plataforma pa stimula dialogo cu publico general y cu profesionalnan y expertonan riba e tereno di aclimatisacion y energia tocante e impacto positivo cu esaki por tin riba nos isla di Aruba.
E evento ta keda organisa en conexion cu e “Caribbean Climate & Energy Conference” y ta pa e comunidad local, specialmente pa esunnan cu ta interesa den energia sostenibel y mitigacion di clima den e contexto di isla.
Diego Acevedo y Robert-Jan Moons lo hiba palabra durante e evento aki. Nan ta expertonan conoci riba tereno di energia sostenibel y economia circular. Nan tin hopi aña di experiencia y conocemento.
Si abo ta pasiona tocante energia sostenibel of ta curioso tocanto economia circular, Aruba Circular Economy Foundation ta invita bo personalmente pa e evento.
Pa registra por manda un e-mail na [email protected] cu bo nomber y fam.
