E aña aki dia 7 di April lo tuma luga e competencia di Wente Vineyards & Papiamento Restaurant Golf Tournament na Tierra del Sol. Aruba Bank lo sponsor e evento aki, cual tin como meta pa recauda fondo pa Fundacion pa Hende Muher den Dificultad (FHMD).
E torneo aki ta pa yuda FHMD sigui cu nan trabou na yuda hendenan muhe hunto cu nan yiu cu ta victima di violencia domestico. E meta di e fundacion ta pa yuda e posicion di hende muhe na Aruba, yuda lucha contra violencia den famia, specialmente hende muhe, y yuda den e tipo di situacionnan asina aki.
FHMD a trece diferente conscientisacion riba e topico di violencia domestico, networking pa hendenan muhe y hopi mas. Y pa sigui cu e causa aki, Aruba Bank ta sostene e trabou di FHMD door di sponsor e competencia di golf cu Wente Vineyards & Papiamento Restaurant lo organisa.
Aruba Bank no ta sostene solamente deporte, pero tambe fundacionnan cu ta traha na bienestar di Aruba.
