Aruba ta un di e paisnan mas den demanda pa bin busca asilo cerca principalmente e ciudadanonan Venezolano.
Jeannette Richardson-Baars, Directora di Coördinatiecentrum Mensenhandel Mensensmokkel Aruba (CMMA), tabata den Enfoke unda cu el a splica tocante e contrabanda y trafico di persona. Hopi biaha ta trece e migrantenan bou di engaño mientras cu ora cu nan yega Aruba, e realidad ta ful otro. Ta priminti nan un trabou, un luga di keda, pero nada di esaki no ta berdad. Y den hopi caso, ta hasta kita e paspoort for di e persona, di manera cu e no tin manera di bandona e pais tampoco.
Un situacion cu no mester bay busca mas aleu di nos fronteranan, ta algo cu ta pasando aki na Aruba tambe y te ainda. Un caso asina ta cay bou di traficacion di hende. Un hende cu ta bou di explotacion di un otro persona. E ta un sistema di sclavitud moderno.
Na Aruba tin tres categoria unda cu e traficacion ta mas grandi:
– Prostitucion
– Construccion
– Servicio domestico
Tras di cortina tin hopi cosnan pasando , no tanto den accion, pero den preparacion di ley, di acuerdonan, di procedimentonan standard. Aruba tin n caminda largo su dilanti den e lucha pa contraaresta contrabando di migrante y e traficacion di persona. Pero si tin avansenan grandi rib’e tereno aki. Pa mas lesa TREMPAN.
