Den fin di siman Komishon Bolas Criollas Curaçao a tene un tremendo torneo internacional di bolas criollas riba veld di Suvek. A conta cu participacion di diesun ekipo for di Boneiro, diesocho ekipo for di Aruba y 38 ekipo di Corsou.
Aruba a bataya fuerte y a logra clasificacion den categoria di dama y cabayero. Den e categoria di dama e teamnan cu a clasifica tabata Jo Bolas, JB Stars, Rolling Ball, Tira Malo Pega Bon, Headache y Papaya Ranch. Den categoria cabayero a clasifica Querendones, We are Back, Headache, Tira Malo Pega Bon, Biba Dushi y JB Stars.
Diadomingo ultimo tabata e final, unda cu tur ekipo a bataya buscando pa yega e final. Na final di anochi, Aruba a resalta den premiacion di Torneo Internacional di Bolas Criollas na Corsou.
E resultado ta como lo siguiente:
Categoria dama:
4o luga: Tira Malo Pega Bon (AUA);
3er luga: Headache (AUA);
Sub Campeon: Rasta Girlz (BON);
Campeon: Papaya Ranch (AUA);
Miho Arime: Roslin Papaya Ranch (AUA);
Miho Boche: Rasta Girlz (BON);
Ekipo disciplina: Fire Chicks (BON).
Categoria cabayero:
4o luga: Sta Barbara (CUR);
3er luga: Tom & Jerry (CUR);
Sub Campeon: Tira Malo Pega Bon (AUA);
Campeon: Fugada (CUR);
Miho Arime: Gibi di T.M.P.B. (AUA);
Miho Boche: Rendell di Fugada (CUR);
Ekipo disciplina: Querendones (AUA).
Papaya Ranch como representante di Aruba den Comite di Bolas Criollas del Caribe ta gradici Komishon Bolas Criollas Curaçao pa e invitacion. Tambe ta gradici tur diesocho ekipo cu a representa Aruba dignamente y a sa di resalta den premiacion. Den nomber di tur ekiponan kier gradici Bureau di Ministerio di Enseñansa y Deporte, Endy Croes, pa e contribucion ricibi pa cada ekipo.