Siman pasa Minister di Salud Publico a informa cu investigacion riba Vacunagate a keda cla y tres persona ta envolvi den e caso aki. Resultado ta cu menos di 800 test tabata falsifica. Tambe a informa cu Ministerio Publico lo persigui e tresnan aki, mientras diesun lo sinta un Tom-zitting. Fraccion di AVP ta haya cu Ministerio Publico a faya den e caso aki.
mr. Arthur Dowers, parlamentario (AVP), a reitera cu Ministerio Publico den e caso aki un bes mas a faya, pasobra no ta posibel cu ora un hende comete crimen y tin investigacion, ta asina cu minister ta sali duna informacion. E parlamentario a indica di no tabata sa cu e mandatario a bira vocero pa Ministerio Publico. El a sigui informa cu Ministerio Publico ta responsabel pa pais Aruba, ta esun cu tin autoridad legal pa haci esey. Tambe nan ta e unico cu tin e discretionaire bevoegheid ey pa haci y deshaci segun ley a duna nan.
Ministerio Publico tin e opportuniteitsbeginsel pa por persigui. Pero si dicidi di persigui un hende of no ta haci esey, ley ta ilustra cu tin di splica comunidad ta dicon ta persigui binti hende y e otronan por getaway (scapa).
Pa mas lesa TREMPAN.COM.
