tin diferente tipo di cuero. naturalmente si tin algo manera Acne of sciorasis of eczema, ta conseha pa no uza nada, vooral Facepainting riba esaki, pasobra e por causa alegria, segun specialista di Beyesa, Arnalda Lampe.
E por kima e cara, haya blaar, etc. Tin yen di producto eyfo cu tin cu en realidad lesa e ingredientenan, pasobra tin cierto metalnan cu por ta den e productonan aki, cu por duna alergia.
Facepainting en realidad por wak nan tur caminda. For di baby pa mucha, pa hende grandi pa Halloween, etc.
No ta consehabel, pasobra pa mucha e cuero ta hopi fini y vulnerabel. E ta leuk pa fiesta etc., y muchanan ta encanta e cosnan aki. Pero mester tene hopi cuidao.
Edad di cinco aña p’ariba ainda esey no ta safe. Pero por compronde cu e ta un negoshi y muchanan ta encanta.
Pero mester tene na cuenta cu por haya cierto alergianan. Ora cu tin e cara pinta, no ta ripara y si e mucha cuminsa bisa cu ta cuminsa grawata of kima, kit’e completamente cu awa.
Mester lab’e bon, si por cu awa un tiki louw. Purba di no uza ningun tipo di shampoo of ningun tipo di cos pa haci cara limpi, pasobra e por haci’e pio, mirando cu ta mucha y ta sensitivo.
Ta conseha di biaha pa yama e dokter di cas of bay na Spoed Eisende Hulp. Sin tin un antihistamine, esey tambe por duna e muchanan pa baha e kemadura of si tin blaar of e grawatamento, no ta conseha pa pone nada riba dje te ora cu haya un recomendacion di dokter.
Antes ta bisa pa pone aloe riba e kima. Pero tin cierto muchanan ta alergico pa aloe vera. Mester ta cuidadoso segun Lampe.
Por bebe cannebloem of, no cayente claro, pone riba e cuero. Ta remedinan cu por ta natural cu por baha e inflamacion.
Calendula tambe ta yuda. Tin cierto cosnan cu por ta por uza, pero e recomendacion ta pa bay un dokter di cas of bay SEH.
E clima cayente ta habri e porionan y porionan habri por tin un efecto. Nos ta soda hopi aki na Aruba. Pero no particularmente pasobra tur hende por hay’e den cualkier clima.
Cuero ta reacciona na e tipo di ingrediente cu tin den Facepainting, of makeup of e lijm cu ta pega stenchi, etc.
Mester tene cuidao y percura unda cu bay, si por lesa e ingredientenan, mester tene na cuenta di e cierto metalnan cu tin, manera nickel cu por duna alergia. Tambe e sponsnan cu ta uza of e brushnan cu ta uza, por ta ta hopi sushi pa nan tin un bon higiena.
Ora ta net e mucha ta alergico pa cierto cosnan, di biaha kit’e y bay Servicio di Emergencia of bay dokter.
