Presupuesto di pais ta consisti di presupuesto di tur departamento hunto. E ta un calculo di e gastonan cu ta pensa di ta necesario pa realisa e intencion- y servicionan di gobierno durante un cierto periodo (por lo general un aña) y di e entradanan cu ta spera pa cubri e gastonan. Cu aprobacion di e presupuesto como ley, parlamento ta autorisa gobierno pa haci gasto pa meta specificamente indica durante un aña cu e medionan financiero cu ta spera di ricibi. Na Aruba, e aña presupuestal ta core di 1 di januari te cu 31 di december. P’esey mester entrega presupuesto pa ley (!) prome cu 1 di september pa Parlamento di Aruba aprob’e ultimamente na december prome cu e ‘aña di presupuestal’ cuminsa.
Presupuesto supletorio
Si resulta den curso di aña cu tin mester menos o mas placa cu locual a calcula, ta adapta e presupuesto cu un asina yama ley di presupuesto supletorio. Parlamento mester fiha esaki tambe prome cu e gastonan tuma luga, por ehempel seis luna prome cu fin di aña. Pero den e practica di Aruba, esaki por lo general a tuma luga na fin di aña. Como consecuencia a confronta parlamento cu ‘hecho cumpli’, esta cu ya caba a gasta e placa sin cu tawatin e autorisacion legal necesario. Den hopi caso no tawata trata di ‘adaptacion chikito’: ‘coreccion’ di centenares di miyon florin sa tuma luga!
Memorie van Toelichting (Memoria Explicativo)
Tur cifra den presupuesto mester tin su splicacion di ‘e pakico y con’ den e ‘Memorie van Toelichting’ (MvT). Desde comienso di Status Aparte esaki a resulta di ta hopi problematico. Practicamente tur conseho di Raad van Advies (RvA) ta expone esaki, mientras cu Caft tambe ta menciona esaki tur biaha atrobe. Asina no por deduci riba ki maneho ta basa e cifranan. Esey ta haci dificil pa determina cua argumento ta forma e base pa e calculo di entrada y gasto. No ta por nada cu tanto RvA y CAft a caracterisa casi tur presupuesto cu a presenta na nan como irealista. Practicamente semper nan a resulta di ta corecto. Colmo di esaki tawata na 2012, ora a ‘pronostica’ un crecemento economico di 8,2%, mientras cu economia a bay atras cu -1,7%. Un diferencia pues di casi 10%!
Mas fayo y obhecion
Cualificashon cu RvA, como instancia oficial pa husga concepto di presupuesto, a uza regularmente pa describi concepto di presupuesto ta varia di: “un mezcla di parti; pa gran parti copia di presupuesto anterior; sin pia ni cabes; sin vision; hopi incompleto; demasiado incertidumbre; sin posibilidad pa controla; ta excede e gastonan substancialmente (locual ta aproba cu forsa retroactivo!); calidad y sentido di realismo pober; cuadro financiero irealistico; violacion di ley importante; violacion di e derecho di budget; obhecion estatal; no ta cumpli cu exigencia di bon gobernacion; ta saca fondo for di supervicion di parlamento; insuficiente esfuerso pa mantene e gastonan dentro di e limitenan (sa pasa cu fayo financiero tawata 60% mas di locual a ‘calcula’); etc. Recientemente IMF a subraya esaki den un analisis special den su rapport di januari 2021. El a expone entre otro cu “e manera actual cu ta prepara presupuesto ta mucho fragmenta y decentralisa. Gobierno mester enfoca hopi mas riba meta cla y prioridad riba termino mediano”.
Balance
Pero e pica di mas grandi cu e gobiernonan consecutivo a comete tawata pa no cumpli cu un di e principionan mas importante di presupuesto, esta un balance entre entrada y gasto. Esey a resulta di ta un exigencia imposibel: durante e ultimo 35 añanan a pasa solamente tres biaha cu e entradanan a cubri tur gasto (mira grafica-1). Pero tur tres biaha tawata pa motibo di ‘entrada incidental’: na 2001 pa motibo di introduccion di un ‘rekenrente’ nobo. Asina a logra cu arte di magia pa transforma un debe di centenares di miyon florin pa cu e fondo di pension di empleado publico (APFA) den un reclamo di miyones (Ticonomics). Na 2003 e independisacion di Setar a genera casi Afl. 250 miyon locual a crea un surplus pa gobierno di Afl. 65 miyon. Y na 2008 e benta di Plant Hotel pa Afl. 200 miyon a percura pa transforma e fayo presupuestal premira den un surplus di Afl. 50 miyon. E fayonan presupuestal structural sa surpasa hasta mas di Afl. 400 miyon (2012 y 2014) y a hiba na debe y pago di interes astronomico cu a sigui subi tur aña. Na 2021, na interes so lo paga Afl. 258 miyon (grafica-2).
Conlusion y pregunta
Desde 2000 e partidonan na mando a logra solamente cinco biaha pa entrega presupuesto dentro di e termino legal. Mayoria di biaha presupuesta tawata 2 te 8 luna laat, mientras cu e record ta para riba 10 luna (2014). E aña aki ta trata di ‘solamente’ 7 luna. Ademas ta(wata) falta splicacion esencial. Riba dje a peca practicamente tur aña contra e punto di salida importante di balance. Finalmente e tradicion di ‘presupuesto irealista’ ta crea e impresion fuerte di engaño intencional di comunidad. E violacionnan structural di e principionan (legal!) importante aki ta haci e partidonan tradicional inepto pa e tarea aki. Den tur esaki e pregunta grandi ta: con bin cu despues di mas di 30 aña di gobernacion ainda nan no por cumpli cu e reglanan elemental di bon contabilidad?
On Sun, Apr 11, 2021 at 8:43 AM Nathalie Winterdaal <n.winterdaal@24ora.com> wrote:
Armand Hessels: Presupuesto ta un dolor di cabes
Presupuesto di pais ta consisti di presupuesto di tur departamento huntu. E ta un calculo di e gastonan cu ta pensa di ta necesario pa realisa e intencion- y servicionan di gobierno durante un cierto periodo (por lo general un aña) y di e entradanan cu ta spera pa cubri e gastonan. Cu aprobacion di e presupuesto como ley, parlamento ta autorisa gobierno pa haci gasto pa meta specificamente indica durante un aña cu e medionan financiero cu ta spera di ricibi. Na Aruba, e aña presupuestal ta core di 1 di januari te cu 31 di december. P’esey mester entrega presupuesto pa ley (!) prome cu 1 di september pa Parlamento di Aruba aprob’e ultimamente na december prome cu e ‘aña di presupuestal’ cuminsa.
Presupuesto supletorio
Si resulta den curso di aña cu tin mester menos o mas placa cu locual a calcula, ta adapta e presupuesto cu un asina yama ley di presupuesto supletorio. Parlamento mester fiha esaki tambe prome cu e gastonan tuma luga, por ehempel seis luna prome cu fin di aña. Pero den e practica di Aruba, esaki por lo general a tuma luga na fin di aña. Como consecuencia a confronta parlamento cu ‘hecho cumpli’, esta cu ya caba a gasta e placa sin cu tawatin e autorisacion legal necesario. Den hopi caso no tawata trata di ‘adaptacion chikito’: ‘coreccion’ di centenares di miyon florin sa tuma luga!
Memorie van Toelichting (Memoria Explicativo)
Tur cifra den presupuesto mester tin su splicacion di ‘e pakico y con’ den e ‘Memorie van Toelichting’ (MvT). Desde comienso di Status Aparte esaki a resulta di ta hopi problematico. Practicamente tur conseho di Raad van Advies (RvA) ta expone esaki, mientras cu Caft tambe ta menciona esaki tur biaha atrobe. Asina no por deduci riba ki maneho ta basa e cifranan. Esey ta haci dificil pa determina cua argumento ta forma e base pa e calculo di entrada y gasto. No ta por nada cu tanto RvA y CAft a caracterisa casi tur presupuesto cu a presenta na nan como irealista. Practicamente semper nan a resulta di ta corecto. Colmo di esaki tawata na 2012, ora a ‘pronostica’ un crecemento economico di 8,2%, mientras cu economia a bay atras cu -1,7%. Un diferencia pues di casi 10%!
Mas fayo y obhecion
Cualificashon cu RvA, como instancia oficial pa husga concepto di presupuesto, a uza regularmente pa describi concepto di presupuesto ta varia di: “un mezcla di parti; pa gran parti copia di presupuesto anterior; sin pia ni cabes; sin vision; hopi incompleto; demasiado incertidumbre; sin posibilidad pa controla; ta excede e gastonan substancialmente (locual ta aproba cu forsa retroactivo!); calidad y sentido di realismo pober; cuadro financiero irealistico; violacion di ley importante; violacion di e derecho di budget; obhecion estatal; no ta cumpli cu exigencia di bon gobernacion; ta saca fondo for di supervicion di parlamento; insuficiente esfuerso pa mantene e gastonan dentro di e limitenan (sa pasa cu fayo financiero tawata 60% mas di locual a ‘calcula’); etc. Recientemente IMF a subraya esaki den un analisis special den su rapport di januari 2021. El a expone entre otro cu “e manera actual cu ta prepara presupuesto ta mucho fragmenta y decentralisa. Gobierno mester enfoca hopi mas riba meta cla y prioridad riba termino mediano”.
Balance
Pero e pica di mas grandi cu e gobiernonan consecutivo a comete tawata pa no cumpli cu un di e principionan mas importante di presupuesto, esta un balance entre entrada y gasto. Esey a resulta di ta un exigencia imposibel: durante e ultimo 35 añanan a pasa solamente tres biaha cu e entradanan a cubri tur gasto (mira grafica-1). Pero tur tres biaha tawata pa motibo di ‘entrada incidental’: na 2001 pa motibo di introduccion di un ‘rekenrente’ nobo. Asina a logra cu arte di magia pa transforma un debe di centenares di miyon florin pa cu e fondo di pension di empleado publico (APFA) den un reclamo di miyones (Ticonomics). Na 2003 e independisacion di Setar a genera casi Afl. 250 miyon locual a crea un surplus pa gobierno di Afl. 65 miyon. Y na 2008 e benta di Plant Hotel pa Afl. 200 miyon a percura pa transforma e fayo presupuestal premira den un surplus di Afl. 50 miyon. E fayonan presupuestal structural sa surpasa hasta mas di Afl. 400 miyon (2012 y 2014) y a hiba na debe y pago di interes astronomico cu a sigui subi tur aña. Na 2021, na interes so lo paga Afl. 258 miyon (grafica-2).
Conlusion y pregunta
Desde 2000 e partidonan na mando a logra solamente cinco biaha pa entrega presupuesto dentro di e termino legal. Mayoria di biaha presupuesta tawata 2 te 8 luna laat, mientras cu e record ta para riba 10 luna (2014). E aña aki ta trata di ‘solamente’ 7 luna. Ademas ta(wata) falta splicacion esencial. Riba dje a peca practicamente tur aña contra e punto di salida importante di balance. Finalmente e tradicion di ‘presupuesto irealista’ ta crea e impresion fuerte di engaño intencional di comunidad. E violacionnan structural di e principionan (legal!) importante aki ta haci e partidonan tradicional inepto pa e tarea aki. Den tur esaki e pregunta grandi ta: con bin cu despues di mas di 30 aña di gobernacion ainda nan no por cumpli cu e reglanan elemental di bon contabilidad?
